"J'Alpin"

Nà për vardé ij valich dzora ij confin,
son ëd ca lassù, slë strà dij camoss,
fermo 'l nemis ò finisso sota 'd cros;
dla nòsta tèra cedo nen un milim

Traij crij dla tormenta, 'l vent dla tempesta
ant ël gel dla vàuda ò 'l desert afoà
con onor, daspërtut son ëstàit mandà.
Grecia, Albania, Africa e Russia funesta

Tròpi giovo a ca son pi nen tornà,
ël dolor për nòsti deul l'ha nen mzura,
son mòrt për nòstra Patria, sensa paura;
dcò certe vòlte për guère sbaglià.

La piuma sël capel l'é soa ansëgna,
son òmini grupà da n'ùnich destin,
na stòria, na legenda cola dj'Alpini;
molé mai, sempe avanti la consëgna.